Mülki xarakter daşıyan mübahisələrdə aidiyyat məsələlərinin həlli Mülki Prosessual Məcəllə (MPM) ilə tənzimlənir. Aidiyyat olaraq əvvəlcə məhkəmə aidiyyatı daha sonra isə ərazi aidiyyatı müəyyənləşdirilir.

Mülki işlər üzrə məhkəmə aidiyyatı ümumi məhkəmələr və inzibati-iqtisad məhkəmələrinə bölünür.

MPM-ə əsasən mülki məhkəmə icraatı qaydasında mülki, ailə, əmək, mənzil, torpaq münasibətləri, təbii ehtiyatlardan istifadə olunması, ətraf mühitin qorunması, vergi və digər münasibətlərdən əmələ gələn mübahisələr üzrə tərəflərdən heç olmasa biri fiziki şəxsdirsə, onun fərdi sahibkar statusu yoxdursa və ya belə statusu olsa da, mübahisə onun sahibkarlıq fəaliyyətini həyata keçirməsi ilə əlaqədar yaranmamışsa, həmin mübahisələr üzrə işlərə ümumi məhkəmələr baxır.

• Ailə, nikah və uşaq mübahisələri;
• Birgə əmlak üzərində mülkiyyət hüquqlarının müəyyən olunması mübahisələri;
• Bədbəxt hadisələr nəticəsində dəyən maddi və mənəvi zərərlər (delikt);
• İşəgötürənlə işçilər arasında olan əmək mübahisələri;
• Kommunal xidmətlərə görə hesablanmış əsassız borclarla bağlı mübahisələr;
• Şərəf və ləyaqətin müdafiəsi üzrə mübahisələr;
• Borc (kredit) tələblərindən irəli gələn mübahisələr;
• İstehlakçı hüquqları ilə bağlı mübahisələr;
• Müqavilələrin icrasının gecikməsi ilə bağlı mübahisələr;